top of page
133, G'Mangia Hill,
G'Mangia, PTA1311. Malta.
website: ktrmalta.com.
email: info@ktrmalta..com
Mobile: 99476468
Profili
Il-Pantomima Maltija tilqa’ għall-ewwel darba lil Clara Sciberras bħala l-Prinċipessa Aurora fil-pantomima ta’ din is-sena—“Is-Sleeping Beauty”
Clara mhux biss hija waħda mill-aktar talenti brillanti fuq il-palk, imma għadha kemm gradwat bħala avukat ukoll! Mela... jekk il-Prinċipessa Aurora jkollha bżonn tiftaħ xi kawża kontra min tefagħha f’raqda twila, Clara żgur taf x’għandha tagħmel!
Clara hija talent kbir fuq il-palk, u wara rwoli prestiġjużi bħal Eliza Doolittle f’My Fair Lady, Liesl f’The Sound of Music, u Hunyak f’Chicago, din is-sena se tagħti l-ħajja lil Aurora! U ejja ma ninsewx li kienet finalista f’Brillanti Musical Theatre
Allura, ippreparaw ruħkom għal pantomima mimlija daħq, spettaklu mużikali u sorpriżi. Dan huwa spettaklu li żgur ma tridux titilfu!
Rodney Gauci jew aħjar Rodney Camilleri Gauci, kif issa sirna nsejħulu peress li żied kunjom wara ż-żwieġ, ilu seba’ snin jagħti l-aqwa nterpretazzjoni tiegħu fil-pantomima, u din is-sena se jerġa’ jinterpreta l-karattru ikoniku tad-dama! U mhux xi dama komuni, din is-sena se jkun ir-Reġina Astra! (għax ħass li għandu jżomm il-bilanċ peress li l-prinċipessa jisima Aurora)
Rodney huwa wiċċ magħruf fuq il-palk u mat-telespettaturi tat-televiżjoni bħala attur komiku u huwa wkoll il-moħħ wara l-kitba tal-pantomima tagħna li sena wara sena kienet splużjoni ta’ kreattività u umoriżmu! Nistgħu ngħidu li Rodney huwa artist b’passjoni kbira għall-pantomima, u bħal ma jafu dawk li ġieli ġew, jittrażmetti ħafna enerġija fuq il-palk fejn jdaħħqek mingħajr sforz
DIn is-sena titlifx l-interpretazzjoni ta' Rodney u l-bqija tal-kast eċċezzjonali fil-Pantomima Maltija 2024, "Is-Sleeping Beauty"
Inlaqqgħukom ma' Pedro r-Re, interpretat minn George Micallef. B’iktar minn 25 sena esperjenza fit-teatru Malti , George beda l-karriera tiegħu ma’ Lemonhead Productions taħt it-tmexxijja ta’ Bryan Muscat u ħadem ma’ diversi diretturi tul is-snin. Għal dawn l-aħħar sentejn George żamm l-appuntament annwali mal-pubbliku fil-Pantomima tal-Milied bi produzzjoni tal-Kumpanija Teatru Rjal u din is-sena mhux ser tkun eċċezzjoni!!
Din is-sena titlifx l-interpretazzjoni ta' George u l-bqija tal-kast eċċezzjonali fil-Pantomima Maltija 2024, "Is-Sleeping Beauty"
Brian Farrugia jew aħjar kif inhu l-iktar magħruf l-Ispettur Leonard (Supretendent, suppost assistent Kummissarju kieku ma qabzuhx), ilu ħmistax -il sena jagħti l-aqwa nterpretazzjoni tiegħu fil-pantomima, u din is-sena se jerġa’ jinterpreta karattru avventuruż ġdid.... Sancho Panza, is-serv tar-Re! Il-Kavallier li minghajru ir-renju ma jimxiex jew almenu hekk minghalih... Brian huwa wiċċ magħruf fuq il-palk u mat-telespettaturi tat-televiżjoni bħala attur fejn iktar maghruf għal karattru popolari li kellu f'Simpatici bħala l-Ispettur Leonard. Ilu jagħmel il-pantomima mis-sena 2007 fejn interpreta iktar minn 21 karattru differenti.... il-forte tiegħu meta jkollu karattru komiku, ta' sfida u fejn jidhol żfin!
Brian bħala artist huwa ffissat fuq il-pantomima u bħal ma jafu dawk li ġieli ġew, dejjem qaxxar kull karattru li jkun fdat bih....
Din is-sena titlifx l-interpretazzjoni ta' Brian u l-bqija tal-kast eċċezzjonali fil-Pantomima Maltija 2024, "Is-Sleeping Beauty"
Nippreżentawlkom l-ewwel fairy, Fairy Uta, interpretata minn Rebecca Bilocca, li għandha 25 sena u gradwata b’Baċellerat fit-Teatru mill-Università ta' Malta, se tkun qed tinterpreta l-irwol tal-Fairy fil-pantomima għat-tieni darba . Il-passjoni tagħha għall-kant u t-teatru bdiet minn età żgħira u kompliet tissaħħaħ, waslitha fejn hi llum u tħeġġiġha tkompli timraħ fil-qasam artistiku .
Ngħaddu għat-tieni fairy, Fairy Ihijja, interpretata minn Leah, ta' 15-il sena. Leah ilha minn eta' żgħira fid-dinja tat-teatru u l-pantomima mal-Kumpanija Teatru Rjal. Bdiet il-kant ta’ 6 snin u l-imħabba tagħha għad-drama bdiet wara li dehret fi programm televiżiv . Studenta tal-Performing Arts fl-MCAST, Leah dehret f’musicals prestiġġjużi bħal “Il-Qfil u l-Ħelsien Skont Manwel Dimech,” “Matilda” u “Oliver.” Fl-2020, kisbet it-tieni post fil-Malta Junior Eurovision u reċentement ġiet imfaħħra fil-Cospicua Short Play Festival bħala Jaymie f’“Dawra li ma Tiqafx”
It-tielet u l-aħħar fairy, Fairy Oċi, interpretata minn Petra. Imwielda fit-11 ta' Awwissu 1987, ġejja minn familja mużikali u bdiet tkanta fl-età ta’ 17-il sena wara li kienet ilha tistudja l-mużika u ddoqq il-pjanu . Hi kisbet suċċess f’kompetizzjonijiet prestiġġjużi, fosthom l-Għanja tal-Poplu, Malta Eurovision Song Contest, X Factor u Mużika Mużika . Petra kienet ukoll membru tal-Gospel Choir Anime u dehret diversi drabi fil-kunċert Rockestra . Fl-2023, hija għamlet id-debutt tagħha fil-pantomima bil-Malti, fejn interpretat l-irwol ta’ Ursula ,
u ħadet sehem fil-musical popolari ‘Il-Kbir għadu Ġej’.
Imiss inlaqqgħukom ma' Frank l-Skunk interpretat minn Jacob. Jacob huwa attur iddedikat fix-xogħlijiet teatrali 🎭, bil-passjoni li jagħti ħajja lil stejjer minn komunitajiet ta’ madwaru 🌍. Il-vjaġġ tiegħu beda fl-Università ta’ Malta fil-kors tal-Communications and Theatre Studies 🎓, fejn ħadem ma’ diretturi lokali u internazzjonali. Fl-2015, hu mar Pariġi biex irfinja t-teknika tiegħu fl-iskola ta’ Jacques Lecoq. Ix-xogħol tiegħu jiffoka fuq interpretazzjonijiet moderni ✨, u fost ix-xogħlijiet l-iktar notevoli tiegħu nsemmu 'L-Għarusa,' 'Il-Fidwa tal-Bdiewa,' u 'Xi Traġedja.' 🎬
.jpg)
Għadna lil Diablo interpretat minn Lee-N. Lee-N hija theatre practitioner li taħdem fuq xogħlijiet oriġinali u kontemporanji fix-xena teatrali. Gradwat fit-Teatru Kontemporanju, f’East 15 Acting School, l-Università ta’ Essex 👩🎓, u studjat Performance Arts, it-Trinity College 🎭 u Theatre Directing, fil-Morley College, f'Londra 💃. Lee-N ħadmet f’diversi proġetti teatrali u workshops f’Malta, Londra, u madwar l-Ewropa 🌎. Fil-pantomima, dejjem issibha titqalleb mal-art, bit-tama li xi darba jtajruha fl-arja wkoll
Nippreżentawlkom, Maleficent , interpretata minn Mariah. Din is-sena Mariah qed tiċċelebra l-ħames sena tagħha fil-Pantomima Maltija, u għall-ewwel darba, se tidher fil-parti tal-villan fil-pantomima "Is-Sleeping Beauty"! Minn meta kienet tfajla ċkejkna, Mariah ħabbet it-teatru u l-arti tal-ispettaklu – sena wara sena, tkompli tagħmel dak li tħobb ma’ kast eċċezzjonali .
Għandna Ġuż il-Moose, interpretat minn Matteo li għandu 15-il sena u libeda fit-teatru minn meta kellu 5 snin . B’taħriġ fil-vocal coaching u ż-żfin, kiseb diploma fid-drama mat-Trinity College . Fost l-irwoli tiegħu nsibu Bahh, il-Pantomima bil-Malti, u My Son Pinocchio Jr . Matteo deher ukoll fil-film Awstraljan Machination u f’serje televiżivi Maltin , u diġà għandu rwoli ġodda ppjanati għas-sena d-dieħla .
Imiss inlaqqgħukom ma' Bear Lino, interpretat minn Luca . Minn età żgħira, Luca beda jitħarreġ fil-kant u matul is-snin ipparteċipa f’diversi korijiet u avvenimenti mużikali lokali. Reċentement, wera interess qawwi lejn ix-xena tat-teatru mużikali , fejn seta’ jgħaqqad l-imħabba tiegħu lejn il-palk u l-kant. Ħerqan u mħeġġeġ, huwa jħares ’il quddiem lejn il-ħwejjeġ sbieħ li d-dinja tat-teatru għandha x’toffri fil-futur qarib.
Imiss inlaqqgħukom ma' Żieren l-Ajkla, interpretat minn Shaun! Il-passjoni ta' Shaun għat-teatru bdiet minn età żgħira ta’ 5 snin, meta beda jitħarreġ fid-drama ma' Drama Troupe, u iktar 'il quddiem ma' TMYT u Roaring Voices 🎭. Matul iż-żmien tiegħu fl-Università, ħa sehem f’diversi produzzjonijiet ta' Students' Fest, u l-esperjenza tiegħu tinkludi rwoli ma' MADC, TMYT, u Roaring Voices. Shaun jinsab eċitat ħafna li se jkun parti minn din l-edizzjoni ta' Pentow bil-Malti
Beppe, li għandu 12-il sena, huwa l-iżgħar membru tal-kast 🎭. Din is-sena hija t-tielet sena konsekuttiva li qed jieħu sehem fil-pantomima, fejn ser jinterpreta l-parti tas-Sur Fenek 🐰.
Beppe huwa artist Malti b’passjoni qawwija għar-reċtar, li beda fl-età ta’ 6 snin fis-serje "Il-Għarusa." Minn dakinhar, huwa ħa taħriġ f’diversi dixxiplini tal-Arti tal-Ispettaklu biex jiżviluppa l-ħiliet tiegħu. Huwa pparteċipa f’diversi produzzjonijiet barranin u lokali, kif ukoll f’riklami 📺
Hawn hu Slotthy Joe, interpretat minn Moses, ta’ 24 sena minn Bormla. Kibret fih l-imħabba għat-teatru permezz tal-esperjenza mal-Kumpanija Teatrali Antonjani Dejjem Ferrieħa . Huwa ħadem kemm bħala attur kif ukoll minn wara l-kwinti. Kif ukoll ipparteċipa f’diversi produzzjonijiet teatrali li fihom reċta, żifna, u saħansitra kkompona mużika oriġinali għal ċerti produzzjonijiet. Moses ħerqan li jespandi l-esperjenza tiegħu fi proġetti teatrali futuri!
bottom of page